رجعت للصلاة تاني , أعتقد كمان انك لما بعت لي مصحف جدتي ف عيد ميلادي كنت عايز تقولي أرجعي أقري قرآن تاني 

بسمعك و بحس بيك بصورة أوضح وأكبر دلوقتي
متونسة بيك و حاسة بإمتنان و رضا
مش خايفة زي زمان
بس لسة فيه وجع , فيه وحدة , فيه شوية خوف…فيه حتة ف قلبي بتوجعني عايزة أدخل إيدي جوة صدري و أقطعها , أشدها
أشيلها خالص


لو مكتوب لي أعيش بالوجع ده طول عمري علمني أتأقلم وأتعايش معاه و أصبر عليه
:) 

قررت أبعد عن كل حاجة فيها دوشة
و لذلك حقعد هنا شوية حلويين لحد ما أحس أن الزحمة خفت وأني مستعدة تاني أسمع صوت غير صوت ربنا و صوتي